ဘရာဇီးနိုင်ငံသား ဟိုဆေး ဂရာဇီယာနိုဒါဆေးလ်ဗား (၆၂ နှစ်)ဟာ ကုလသမဂ္ဂစားနပ်ရိက္ခာနှင့် စိုက်ပျိုးရေးအဖွဲ့( FAO )ရဲ့ အကြီးအကဲအဖြစ် တာဝန်ယူခဲ့တာမကြာ သေးပါဘူး။ ၎င်းဟာ ပြီးခဲ့တဲ့ဇန်န၀ါရီ ၁ ရက်ကစလို့ အဖွဲ့ရဲ့ အထွေထွေညွှန်ကြားရေးမှူးတာဝန်ကို လာမယ့် ၂၀၁၅ ဇူလိုင်အထိ ထမ်းဆောင်ရမှာပါ။ ၎င်းဟာ အမေရိကန်မှာ မွေးဖွားသူ ဘရာဇီးပညာရှင်ဖြစ်ကာ ဘရာဇီးသမ္မတ လူလာဒါဆေးလ်ဗားလက်ထက်မှာလည်း စားနပ်ရိက္ခာဖူလုံရေးဝန်ကြီးအဖြစ် တာဝန်ယူခဲ့သူဖြစ်ပါတယ်။ ဒါကြောင့် အခုလို အက်ဖ်အေအိုရဲ့ ပူပူနွေးနွေးအကြီးအကဲသစ်နဲ့ အင်တာဗျူးကို ပြန်လည်ကောက်နုတ်တင်ဆက်လိုက်ပါတယ်။
မစ္စတာဒါဆေးလ်ဗားခင်ဗျာ အက်ဖ်အေအိုရဲ့ အကြီးအကဲသစ်တစ်ဦးအနေနဲ့ လူကြီးမင်းရဲ့ အဓိကပန်းတိုင်ဟာ ငတ်မွတ်ခေါင်းပါးမှုအမြစ် ပြတ်တိုက်ဖျက်ရေးလို့ ပြောထားတယ်။ အဲဒါ မိုးထိအောင်တက်နေတဲ့စားသောက်ကုန်ဈေးနှုန်းတွေထဲမှာ အဆက် မပြတ်တိုးနေတဲ့ ကမ္ဘာ့လူဦး ရေနဲ့ ဆက်ဖြစ်နေဆဲ စီးပွားရေးအကျပ်အတည်း တွေကြားထဲမှာ အလွန် အကျွံမှန်းထားတဲ့ ရည်မှန်းချက်တစ်ရပ်ဖြစ်မနေဘူးလား။
ကျွန်တော့်စီမံကိန်းက ရည်မှန်းချက်ကြီးပါတယ်။ ဒါပေမဲ့ ရည်ရွယ်ချက်ကြီးကြီးတွေနဲ့သာ လူတွေကို နိုးကြားစေနိုင်ပါတယ်။ အဲဒီ့အချက်ကတော့ ကျွန်တော်တို့ အသေ အချာရရှိအောင် စွမ်းဆောင်ရမယ့် အချက်ပါ။ ငတ်မွတ်မှုတိုက်ဖျက်ရေးမှာ နိုင်ငံတကာအသိုင်းအ၀ိုင်းနဲ့ လူ့အဖွဲ့အစည်းရဲ့အစိတ်အပိုင်းအားလုံးကို ရွေ့လျားပါဝင်လာ စေရေးပါ။ အက်ဖ်အေအိုတစ်ခုတည်း ဒါမှမဟုတ် အစိုးရတစ်ရပ်တည်းကတော့ ကမ္ဘာပေါ်မှာ ငတ်မွတ်ခေါင်းပါးမှုအမြစ်ပြတ်ပျောက်ကွယ်အောင် မလုပ်နိုင်ပါဘူး။
ရွယ်ရည်ကြောင်း ကြေညာချက်တွေက အများကြီးပါပဲ။ ၂၀၀၀ ပြည့်နှစ်မှာ ကုလသမဂ္ဂက သူ့ရဲ့ရည်ရွယ်ချက်ဖြစ်တဲ့ ၂၀၁၅ မှာ ငတ်မွတ်ခေါင်း ပါးသူဦးရေကို ရာခိုင် နှုန်းထက်ဝက်အထိ လျှော့ချဖို့ကိုကြေညာခဲ့တယ်။ ဒါပေမဲ့လက်တွေ့မှာတော့ သူတို့ရဲ့ကိန်းဂဏန်းတွေက (ငတ်မွတ်သူ)လူ ဦးရေ ၈၂၆ သန်းကနေ ၉၂၅ သန်းကျော်အထိ တိုးလာခဲ့တယ်။ ကျွန်တော်တို့ တိုးတက်မှုတချို့လည်းဖန်တီးခဲ့ပါတယ်။ ကျွန်တော့် ဇာတိ ဘရာဇီးမှာ၊ ဂါနာမှာ၊ အခြားနိုင်ငံတွေကြားမှာဆို အာဟာရချို့တဲ့မှုတိုက်ဖျက်ရေး ဟာသိပ်အောင်မြင်ခဲ့ပါတယ်။ ဒါပေမဲ့ အခုအချိန်နဲ့ ၂၀၀၀ ပြည့်နှစ်အကြားအကြီးဆုံးကွာခြားချက်ကတော့ လေးမန်းဘရား သားဘဏ် ဒေ၀ါလီခံကတည်းကစလို့ ကျွန်တော်တို့အားလုံး ဂြိုဟ်တစ်လုံးပေါ်မှာ ရှင်သန်နေကြတာ၊ ပြီးတော့ နိုင်ငံတစ်နိုင်ငံချင်းဟာ တစ်နိုင်ငံနဲ့ တစ်နိုင်ငံမှီခိုနေရတယ်ဆိုတာကို ကမ္ဘာကြီးက သိနားလည် သွားပါပြီ။ စုစည်းညီညွတ်မှုအသစ်တစ်ခုတော့ ရှိလာနေပါပြီ။
အဲဒီလိုမျိုးရှိနေတယ်ဆိုတဲ့ အထောက်အထားကို လူကြီးမင်း ဘယ်မှာ အတိအကျမြင်မိပါသလဲ။
ယနေ့ကာလမှာတော့ ကမ္ဘာကြီးက ငတ်မွတ်ခေါင်းပါးမှုကပ်ဘေးတွေကို ပိုပြီးလျင်လျင်မြန်မြန်တုံ့ပြန်နေပါပြီ။ အရေးပေါ်ကိစ္စတွေ အတွက် အထူးရန်ပုံငွေတွေလည်းရှိနေတယ်။ ဒီလို စုစည်းညီညွတ်မှုမျိုးက စိတ်ဆနသစ်တစ်ရပ်ကို ရောင်ပြန်ဟပ်နေပါတယ်။ လူတိုင်းကလည်း ငတ်မွတ်ခေါင်းပါးမှုကနေ ဘယ်သူမှ အကျိုးအမြတ်မရဘူးဆိုတာ သိနားလည်ထားခဲ့ကြတယ်။ ဘဏ္ဍာရေးနဲ့ ကြေးမြီအကျပ်အတည်း တွေလိုပဲငတ်မွတ်မှုပြဿနာကို လူတိုင်းပူးပေါင်းလုပ်ဆောင်မှသာ ဖြေရှင်းနိုင်ပါမယ်။ လတ်တလော ပြဋ္ဌာန်းမှုတစ်ရပ်အနေနဲ့ စားနပ်ရိက္ခာကုန်သွယ်ရေးလော ကနဲ့ ဝေါလ်စထရိကနေ ဈေးနှုန်းခန့်မှန်းသူတွေကို ဖယ်ထုတ်မယ့် ဥပဒေတစ်ရပ်ပြဋ္ဌာန်းတာ ပိုမထိ ရောက်နိုင်ဖူးလား။ သည်လိုပဲ ကုန်ပစ္စည်းဈေးအတက်အကျ ခန့်မှန်းမှုတွေကို ကုန်ဈေးနှုန်းမြင့်မားမှုတွေရဲ့ အဓိက အကြောင်းရင်းတစ်ရပ်အဖြစ်မြင်နေရပါတယ်။ ဒီအချက်က လူသန်းပေါင်းများစွာကိုလည်း ဆင်းရဲမွဲတေမှုမျဉ်းအောက်ခြေရောက်အောင် တွန်းပို့နေတာပါ။ ကျွန်တော့်အမြင် ဈေးအတက်အကျခန့်မှန်းတာက တကယ်တော့ ကုန်ဈေးနှုန်းကြီးမြင့်ခြင်း၊ အလွန်အကျွံအပြောင်းအလဲဖြစ်ခြင်း တွေရဲ့အရေးပါတဲ့အကြောင်းတစ်ရပ်ပါပဲ။ အဲဒါက ဘဏ်တွေနဲ့ ကယ်ဆယ်ရေးရန်ပုံငွေတွေအတွက်ပဲ အကျိုးရှိစေတယ်။ ထုတ်လုပ်သူ၊ ဖြန့်ဖြူးသူ၊ ၀ယ်ယူသူတွေအတွက်မဟုတ်ဘူး။ စားသုံးသူတွေအတွက်လည်း မဟုတ်ဘူး။ အက်ဖ်အေအိုက ကိစ္စနှစ်ခုပဲလုပ်နိုင်တာပါ။ ဈေးကွက်ကို အချက်အလက်တွေ၊ လေ့လာမှုတွေ၊ စာရင်းဇယားတွေဖြည့်ဆည်းပေးနိုင် ပြီး ဈေးကွက်တွေကို ပိုပြီးပွင့်လင်းမြင်သာအောင် ဖန်တီးပေးတာပါ။ ပြီးတော့ အဖွဲ့က အစိုးရတွေကို စိုက်ပျိုးရေးမှာ ပိုပြီးရင်းနှီးမြှုပ်နှံဖို့ တွန်း အားပေးနိုင်တာပါ။
စားနပ်ရိက္ခာထုတ်ကုန်တွေကို ဈေးနှုန်းခန့်မှန်းတာ ပိတ်ပင်ဖို့ လူကြီးမင်း ဘာကြောင့် မတိုက်တွန်းတာပါလဲ။
ကျွန်တော်တို့ ပိုတင်းကျပ်တဲ့ ဥပဒေစည်းမျဉ်းတွေလိုအပ်တယ်။ ဒါပေမဲ့ စားနပ်ရိက္ခာနယ်ပယ်ထဲမှာမဟုတ်ပါဘူး။ စည်းမျဉ်းအသစ် တွေက တစ်ခုတည်းသော ဖြေရှင်းချက်မဟုတ်ပါဘူး။ အခြားအရေးပါ တဲ့နယ်ပယ်တွေဖြစ်တဲ့ ကမ္ဘာ့ကုန်သွယ်ရေးအဖွဲ့ဝင်နိုင်ငံတွေကြား ဒိုဟာ ဆွေးနွေးပွဲလို ကုန်သွယ်ရေးဆွေးနွေးမှုတွေရှိပါ တယ်။ စက်မှုဖွံ့ဖြိုးပြီး နိုင်ငံတွေဟာ နောက်ဆုံးမှာတော့ သူတို့ရဲ့ဈေးကွက်တွေကို ဖွင့်ပေးသင့် ပြီး စိုက်ပျိုးရေးအတွက် ထောက်ပံ့ကြေးပေးထားတာ တချို့ကို ဖယ်ရှား
ရမယ်။ ဒါဟာ ကျွန်တော်က အကောင်းမြင်သမားမို့ပြောတာမဟုတ်ပါဘူး။ မှန်ကန်တဲ့ ချဉ်းကပ်နည်းဖြစ်ဖို့ပြောတာပါ။
ဒါဆို ထောက်ပံ့ကြေးတွေ ပယ်ဖျက်ခြင်းက ငတ်မွတ်မှုကို ဘယ်လိုလျော့ နည်းစေမလဲ။
ဥပမာအားဖြင့်ဗျာ ပြီးခဲ့တဲ့နွေရာသီမှာ အမေရိကန်ပြည်ထောင်စုက ပြောင်းအခြေခံအီသနောထုတ်လုပ်ရေးအတွက် ထောက်ပံ့ကြေးပေး တာတွေကိုရပ်ဖို့ ဆုံးဖြတ် လိုက်တဲ့အတွက် ပြောင်းဈေးနှုန်း ချက်ချင်းထိုးကျသွားတယ်။ အဲဒါကို ဆင်းရဲတဲ့နိုင်ငံတွေမှာ ခံစားခဲ့ရတယ်။ ဗဟိုအမေရိကဒေသက နိုင်ငံတွေလိုပေါ့။ အဲဒီမှာ ပြောင်းကို စားသုံးမှုအတွက်ရော ကျွဲနွားတိရစ္ဆာန် ကျွေးမွေးရေးအတွက်ပါသုံးတယ်။ ပြီးတော့ အရှေ့ အာဖရိကဒေသမှာပေါ့။ အဲဒီ့မှာ ပြောင်းကအဓိကအစားအစာပဲ။ ဒါကြောင့် အမေရိကန်ဆုံးဖြတ်ချက်က စားနပ်ရိက္ခာအခြေအနေအပေါ် တိုက်ရိုက်အပြုသဘောအကျိုးသက်ရောက်မှုရှိခဲ့ပါတယ်။
လူကြီးမင်းဟာ အဓိကအပြောင်းအလဲကြီးတွေကို ရှုမျှော်ထားတယ်။ အက်ဖ်အေအိုအဖွဲ့လေးက အဲဒီလိုကိစ္စကြီးတွေကို ဘယ်လိုစွမ်းဆောင်နိုင်မှာပါလဲ။
စားနပ်ရိက္ခာဈေးနှုန်းမြင့်တက်မှုနဲ့ ဘဏ္ဍာရေးနဲ့ စီးပွားရေးအကျပ်အတည်းတွေက ကမ္ဘာတစ်ဝန်း ဆင်းရဲမွဲတေမှုနဲ့ ငတ်မွတ်ခေါင်းပါးမှုကိစ္စတွေကို ပိုပြီးသတိထားမိစေခဲ့ တယ်။ နိုင်ငံတကာအသိုင်းအ၀ိုင်းဟာ ငတ်မွတ်မှုပပျောက်ရေး လှုပ်ရှားဆောင်ရွက်နေပါတယ်။ အက်ဖ် အေအိုကကျင်းပတဲ့ကမ္ဘာ့စားနပ်ရိက္ခာဖူလုံရေးကော်မတီဟာလည်း အစိုးရတွေ၊ ပုဂ္ဂလိကကဏ္ဍနဲ့ အရပ်ဘက်အဖွဲ့တွေ၊ နိုင်ငံတကာအဖွဲ့ အစည်းတွေကြားမှာ ငတ်မွတ်မှု၊ စားနပ်ရိက္ခာဖူလုံမှု၊ အာဟာရချို့တဲ့မှုကိစ္စတွေကို ဆွေးနွေးရာက ဖိုရမ်တစ်ခုဖြစ်လာနေပါတယ်။ ဒီအချက်က ကျွန်တော်တို့အတွက်ထိရောက်တဲ့ ကမ္ဘာလုံးဆိုင်ရာ စားနပ်ရိက္ခာ အုပ်ချုပ်ရေးစနစ် တစ်ရပ်တည်ဆောက်ရေးအတွက် အရေးပါတဲ့ အုတ်မြစ်ကိုချ ပေးပါတယ်။
လူကြီးမင်းရဲ့ အရင်ကအက်ဖ်အေအိုအကြီးအကဲယာ့ဒီယော့ဟာ ၁၈ နှစ်တာဝန်ထမ်းဆောင်ခဲ့ပြီး အောင်မြင်မှုအများကြီးမရှိခဲ့ပါဘူး။ လူကြီး မင်းအနေနဲ့ ရောအောင်မြင်မှု ရဖို့ ဘယ်လို အချိန်သတ်မှတ်ချက်ရှိထားလဲ။
ပြုပြင်ပြောင်းလဲရေးဖြစ်စဉ်တွေက အမြဲအချိန်ယူရတယ်။ ဒါပေမဲ့ တစ်ခုခုကို ဖယ်ထုတ်ပစ်ရတာမျိုးကတော့ အများအားဖြင့် ပိုမြန်တတ်တယ်။ စိုက်ပျိုးရေးမှာ ဓာတုဗေဒပညာရပ်ကို မိတ်ဆက်ဖို့ နှစ်တစ်ရာ ကြာခဲ့တယ်။ အဲဒီ့ပညာရပ်ကို ပြန်ဖယ်ထုတ်ဖို့ကျတော့ ကျွန်တော်တို့ ပိုပြီးမြန်မြန်လုပ်နိုင်ပါတယ်။
—Ref: Interview with UN Food and Agricultural Chief Jose' Graziano da Silva
