ဥရောပဘဏ္ဍာရေး အကျပ်အတည်းကာလအတွင်းမှာ ဥရောပ စီးပွားရေးကိုကယ်တင်ဖို့ ဂျာမနီက ဇာတ်လိုက်လုပ်မယ်ဆိုရင် လူကြမ်းတွေက ဂရိ၊ ပေါ်တူဂီ၊ အီတလီတို့ဖြစ်ဖို့များပါတယ်။ ပေါ်တူဂီဟာ ယခုနှစ်အတွင်းမှာပဲ ဥရောပသမဂ္ဂနဲ့ နိုင်ငံတကာငွေကြေးရန်ပုံငွေအဖွဲ့တို့ရဲ့ ဘဏ္ဍာရေးကယ်ဆယ်မှုနဲ့ ရပ်တည်ခဲ့ရပြီး လာမယ့်နှစ်မှာလည်း ဒဏ်ရာမ ကျက်သေးတဲ့ ၎င်းရဲ့ စီးပွားရေး ဟာ တိုးတက်မှုနှုန်း ၂ ဒသမ ၈ ရာခိုင်နှုန်းပဲရှိနိုင်မယ်လို့ ခန့်မှန်းနေရပါတယ်။ ဒါပေမဲ့ပေါ်တူဂီသမ္မတအန်နီဘယ်ကာဗာကို ဆေးလ်ဗား ကတော့ ပေါ်တူဂီနဲ့ ဂရိကိုနှိုင်းယှဉ်လို့မရဘူးလို့ ဆိုထားပြီး ယူရိုငွေအပေါ် ယုံကြည်မှုကလည်း ခိုင်မြဲနေတာတွေ့ရပါတယ်။ ဒါ့ကြောင့် တိုင်းမ်မဂ္ဂဇင်းနဲ့ သမ္မတဆေးလ်ဗားတို့ရဲ့ အမေးအဖြေတွေကို တင်ဆက်ပေးလိုက် ရပါတယ်။
အခုလက်ရှိကနေ နောက်တစ်နှစ်ဆိုရင် ယူရိုငွေဟာ ရှင်သန်ရပ်တည်နိုင်တဲ့ငွေကြေးတစ်ရပ် ဖြစ်လာပါဦးမလား။
ယူရိုငွေဟာ ကမ္ဘာတစ်ဝန်း မှာ ယုံကြည်ထိုက်တဲ့ငွေကြေးတစ်ရပ်ဖြစ်လာမှာပါ။ ဥရောပရဲ့ ပိုင်ဆိုင်ထားမှုမှာ အရေးပါဆုံးက (နိုင်ငံတွေ)ပေါင်းစပ်ထားမှုပဲ။ ပြီးတော့ ဥရောပပေါင်းစည်းမှုရဲ့ သော့ချက်အစိတ်အပိုင်းကလည်း ယူရိုငွေပဲ။ တစ်နှစ်တာအချိန်ပဲဖြစ်ဖြစ်၊ အနှစ် ၂၀ ကာလပဲဖြစ်ဖြစ် ယူရိုဟာဆက်ရှိနေမှာပါ။
လက်ရှိ အကျပ်အတည်းရဲ့ နောက်တစ်ဆင့်က ဘာဖြစ်မှာပါလဲ။
နောက်တစ်ဆင့်ကတော့ ဖြေရှင်းတာပေါ့။ ဂရိနဲ့ အီတလီမှာနိုင်ငံရေးအပြောင်းအလဲတွေ ဖြစ်နေပါပြီ။ ဒါပေမဲ့ ဒီဘဏ္ဍာရေး ကူးစက်ရောဂါအန္တရာယ်ကနေ ဘယ်နိုင်ငံ၊ ဘယ်ဒေသမှ မလွတ်ဘူးဆိုတာကို ကမ္ဘာ့ခေါင်းဆောင်တွေနဲ့ ဥရောပခေါင်းဆောင်တွေ သိနားလည်ဖို့ အချိန်အများကြီးယူခဲ့ရတယ်။
ယူရိုငွေကြေးသုံးစွဲတဲ့ ယူရိုဇုန်ကယ်ဆယ်ရေးမှာ တရုတ်နိုင်ငံပါဝင်ရေးဟာ ဘယ်လောက်လက်တွေ့ကျနိုင်ပါသလဲ။
တရုတ်ရဲ့ တစ်ဦးချင်း ဂျီဒီပီက ဂရိက တစ်ဦးချင်းဂျီဒီပီထက် ထက်ဝက်လျော့လျော့လောက်ပဲရှိတယ်။ ဒီတော့ သူတို့မေးမြန်းရမှာက ဥရောပနိုင်ငံတွေက ဥရောပ ဘဏ္ဍာရေးတည်ငြိမ်မှုအစီအစဉ်ထဲ ငွေအလုံအလောက်မထည့်ချင်ဘူးဆိုရင် ငါတို့ကဘာကြောင့်လုပ်ရမှာလဲဆိုတာပဲဖြစ်ပါတယ်။ သူတို့ပြောထားတာကတော့ နိုင်ငံငွေကြေး ရန်ပုံငွေအဖွဲ့မှာ ထပ်ဖြည့်မယ့် ဘဏ္ဍာရေးအရင်းအမြစ်တွေအတွက်တောင် ဖြည့်ဆည်းပေးဖို့ ပြင်ဆင်ထားပြီးပြီဆိုတာပဲ။
ပေါ်တူဂီက ဘာမှားခဲ့တာပါလဲ။
ယူရိုဇုန်ထဲ ၀င်လိုက်တော့ ပေါ်တူဂီမှာ အတိုးနှုန်းတွေသိသိသာသာ ကျဆင်းသွားခဲ့တယ်။ ဒီတော့ ပြည်တွင်းဝယ်လိုအားတိုးခဲ့တယ်။ အကြွေးတင်တာတွေတိုး ခဲ့တယ်။ ပြည်ပကြွေးမြီတိုးလာပြီး ဘတ်ဂျက်လိုငွေပြမှုတွေ တိုးလာတယ်။ အခုတော့ ကျွန်တော်တို့ အဲဒီ့အမှားတွေကိုပြင်ဆင်နေပါပြီ။
ပေါ်တူဂီဟာ ဒီနှစ်ထဲမှာ ရရှိခဲ့တဲ့ ဘဏ္ဍာရေးကယ်ဆယ်မှုအတွက် လိုက်နာဆောင်ရွက်ရမယ့် အရာအားလုံးကို လုပ်နေပါပြီလား။
ပြည်သူ့ကြွေးမြီကိစ္စအတွက် အီးယူနဲ့ရော နိုင်ငံငွေကြေးရန်ပုံ ငွေအဖွဲ့တို့နဲ့ပါ ညှိနှိုင်းထားခဲ့သမျှရည်မှန်းချက်တွေကို ရရှိတော့မှာပါ။ ပြီးတော့လည်း ကုန်ထုတ်လုပ် မှုတိုးတက်ရေးအတွက် သတ်မှတ် ဆောင်ရွက်ရမယ့်ဥပဒေတွေကို ပြဋ္ဌာန်းနေပါတယ်။
ပေါ်တူဂီရင်ဆိုင်နေရတဲ့ စိန်ခေါ်မှုတွေက ဘာတွေပါလဲ။
လာမယ့်နှစ်မှာ ပေါ်တူဂီ စီးပွားရေးဟာ ၂ ဒသမ ၈ ရာခိုင်နှုန်းလောက် ကျကောင်းကျဆင်းနိုင်မယ်။ ဒါကြောင့် ကျွန်တော်တို့ရဲ့ အဓိကစိန်ခေါ်မှုကတော့ ဒီထက်ပိုကောင်းအောင်လုပ်ဖို့ ဖြစ်နိုင်ခြေရှိတာကို သက်သေပြဖို့ပဲ။ ပေါ်တူဂီစီးပွားရေးရဲ့ မောင်းနှင်အားက ပြည်ပပို့ကုန်တွေပါ။ ရင်းနှီးမြှုပ်နှံမှုတွေက တိုးတက်ဖို့ ရှိနေပါတယ်။ ဒါပေမဲ့ အဲဒါလူတွေရဲ့ ယုံကြည်မှုနဲ့ ရင်းနှီးမြှုပ်နှံသူတွေရဲ့ ယုံကြည်စိတ်ချမှုပေါ်မူတည်နေတယ်။
ဂရိမှာရော ဘာဖြစ်ခဲ့ပါသလဲ။
တစ်ခါတလေ ကျွန်တော်တို့ ကို ဂရိက အခြေအနေနဲ့နှိုင်းကြတယ်။ နှိုင်းယှဉ်စရာမရှိပါဘူး။ အဆုံးမှာတော့ ဂရိအတွက်ကကြွေးမြီတွေကို အပြည့်ပြန်ပေးနိုင် ဖို့မဖြစ်နိုင်ဘူးဆိုတာ သိနားလည်ခဲ့ကြတယ်။ အီတလီကတော့ လုံးဝကွဲပြားခြားနားတဲ့ပြဿနာတစ်ရပ်ဖြစ်နေပါတယ်။
ဒါဆို ပြဿနာကဘာပါလဲ။
အီတလီမှာ ငွေစုဘဏ်အတိုးနှုန်းကမြင့်တယ်။ ဒါပေမဲ့ အီတလီဟာ ဥရောပသမဂမှာ တတိယအကြီးဆုံး စီးပွားရေးနိုင်ငံဖြစ်ပြီး ကမ္ဘာမှာပဉ္စမမြောက် စီးပွားရေး အင်အားကြီးနိုင်ငံဖြစ်ပေမယ့် ဈေး ကွက်တွေက သူ့ကိုမယုံကြဘူးဖြစ် နေတယ်။ ဒါကြောင့် ဒါဟာ ကြေး မဆပ်နိုင်တဲ့ပြဿနာမဟုတ်ဘူး။ ငွေထည့်သွင်းစီးဆင်းစေဖို့ ပြဿ နာသာဖြစ်ပါတယ်။ဝန်ကြီးချုပ်ဆီလ်ဗီယိုဘာလူစကို နီနုတ်ထွက်သွားတာဟာ အီတလီ အတွက် အပြုသဘောဆောင် တဲ့တိုးတက်မှုများဖြစ်လာမလား။
မိတ်ဖက်နိုင်ငံတစ်နိုင်ငံက သမ္မတတစ်ယောက်က အီတလီ နိုင်ငံရေးအကြောင်း မှတ်ချက်တွေ မပေးသင့်ပါဘူး။ (အီတလီ)၀န် ကြီးချုပ်သစ်မာရီယိုမွန်တီဟာ အလွန်စွမ်းဆောင်ရည်ရှိသူတစ် ဦးပါ။ ဈေးကွက်တွေဟာ ဥပဒေပြဋ္ဌာန်းအကောင်အထည်ဖော်မှုတွေကိုသာမကဘဲ နိုင်ငံရေးသမားတွေအကြောင်း၊ ဦးဆောင်တဲ့ နေ
ရာမှာရှိနေတဲ့ ပုဂိုလ်အကြောင်း ဂရုစိုက်ရပါတယ်။
ပေါ်တူဂီအပေါ်မှာ အာရပ်နွေဦးက ဘာအကျိုးသက်ရောက်မှုသြဇာရှိတယ်လို့ထင်ပါသလဲ။
အဲဒါဟာ အပြုသဘောတိုးတက်မှုလို့ထင်ပါတယ်။ သူတို့က ကျွန်တော်တို့ရဲ့ အိမ်နီးချင်းတွေပါ။ မော်ရိုကိုမှာ၊ အယ်လ်ဂျီးရီးယားမှာ၊ အီဂျစ်မှာ၊ လစ်ဗျားမှာ လည်ပတ်လုပ်ကိုင်နေတဲ့ ပေါ်တူဂီကုမ္ပဏီတွေရှိပါတယ်။ အခုတော့ ဒီမိုကရက်တစ်အဖွဲ့အစည်းတွေ ခိုင်မာအောင် တည်ဆောက်ရေးမှာ သူတို့ကို ဘယ်လိုကူညီ မလဲဆိုတာအရေးကြီးလာပါတယ်။ ဥရောပဟာ (အာရပ်ကမ္ဘာမှာ) ဒီမိုကရေစီဖြစ်စဉ် အခြေခိုင်မာရေးမှာ နက်နက်ရှိုင်းရှိုင်း ပါဝင်သင့်ပါတယ်။
—Ref: 10 Questions for Portuguese President Anibal Cavaco Silva. 12 Dec:
