အရာခပ်သိမ်းတို့သည် ဖြစ်လာလိုက်၊ ပျက်စီးပြောင်းလဲလိုက်နှင့် အလျှင်တရစပ်ဖောက်ပြန်ပြောင်းလဲနေကြတယ်။ မြတ်ဗုဒ္ဓက ဒီ လောကကြီးကို အဆုံးမဲ့ဖြစ်ပျက်နေတဲ့ဖြစ်စဉ်ကြီးတစ်ခုဖြစ်တယ်လို့ ဟောကြားတော်မူတယ်။ အရာခပ်သိမ်းတို့ဟာ စွမ်းအင်ဗွေဝဲကတော့တွေပဲဖြစ်တယ်။ ဘယ်အရာမှ အတည်တကျမရှိတဲ့ ရစ် ပတ်လှည့်လည်နေတဲ့ဖြစ်စဉ်တွေချည်းပဲဖြစ်တယ်။ လူတစ်ယောက်ရဲ့ သံသရာဘ၀ဟာ မွေးဖွားလိုက်သေဆုံးလိုက်နဲ့ မဆုံးတမ်းလည်နေသလိုပဲ၊ ကပ်ကမ္ဘာကြီးဟာလည်း စက်ဝိုင်းလိုလည်နေတယ်။ ကမ္ဘာတစ်ခုပျက်သွားလိုက်၊ နောက်ထပ်ကမ္ဘာတစ်ခုဖြစ် တည်လိုက်နဲ့ သံသရာလည်နေတယ်။ ကျွန်ုပ်တို့ ကမ္ဘာကြီးဟာလည်း တစ်နေ့ကျရင် ပျက်သုဉ်းသွားဦးမှာဖြစ်တယ်။

လောကဆိုတာ ဖြစ်ပျက်အစဉ်ကြီးပါ။ ကာလဆိုတဲ့ ကပ်ကမ္ဘာကြီးထဲမှာ ကျွန်ုပ်တို့ဖြစ်တည်နေကြရတာဖြစ်တယ်။ အရာခပ်သိမ်းတို့သည် မွေးလိုက်ကြ၊ သေလိုက်ကြဖြစ်တည်နေကြရတယ်။ ရှင်သန်ခြင်းဆိုတာဟာလည်း တကယ် တမ်းကျတော့ သေလမ်းကို သွားနေကြခြင်းသာဖြစ်သည်။ ဒီလိုနဲ့ပဲ နတ်တွေ၊ လူတွေ၊ တိရစာန်တွေ၊ ရုပ်ဝတ္ထု ပစ္စည်းတွေ၊ ဒီစကြ၀ဠာကြီးထဲမှာ ရှိရှိသမျှ အရာခပ်သိမ်းတို့သည် အမြဲမရှိခြင်းဆိုတဲ့ နိယာမတရားကြီးရဲ့ ပြုပြင်ခြင်းကို ခံနေကြရတာချည်းပါပဲ။ မြတ်ဗုဒ္ဓကိုယ်တော်မြတ်ကြီးက တရားဓမ္မနှင့်အညီနေထိုင်သူကို တရားဓမ္မကပြန်လည်စောင့်ရှောက်တော်မူတယ်လို့ ဟောကြားတော်မူတယ်။