အရွယ်စုံ၊ ကျား၊ မစုံသတိပြုရမည့် ကာလသားရောဂါ

Photo

လိင်မှုဆိုင်ရာကိစ္စများတွင် စောင့် စည်းထိန်းသိမ်းမှု နည်းပါးသူများအတွက် လိင်မှုဆိုင်ရာ ကူးစက်ရောဂါများလည်း တဖြည်းဖြည်း များပြားလာသည်။

ထိုရောဂါများအနက်မှ ကာလသားအရွယ် အသက် ၂၀ မှ ၃၅ နှစ်အတွင်း အမျိုးသားများတွင် ဖြစ်ပွားမှုများပြားကြသဖြင့် ကာလသားရောဂါဟု တင်စားခေါ်ကြသည့် အဆိုပါရောဂါသည် ၃၅ နှစ်အတွင်းတွင်သာမဟုတ်ဘဲ ၄၅-၅၀ ကျော်အထိပါ ဖြစ်ပွားမှု များပြားနေသည့် ရောဂါလည်းဖြစ်ကြောင်း သိရသည်။

လွန်ခဲ့သည့် နှစ်ပေါင်း ၇၀ ကျော်ခန့်က ကာလသားရောဂါ ငါးမျိုးခန့်သာ ရှိခဲ့သော်လည်း ယခုအခါ ထိုငါးမျိုးအပါအ၀င် ကာလသားရောဂါပေါင်း တစ်နည်းအားဖြင့် လိင်ဆက်ဆံခြင်းမှတစ်ဆင့် ကူးစက်ပြန့်ပွားသော ရောဂါပေါင်း ၄၀ ကျော်လာပြီဖြစ်သည်။

အခြားရောဂါများနှင့်မတူ ရောဂါဖြစ်ပွားလျှင် ရောဂါပိုးကူးစက်ခံထားရသူ တစ်ဦးတည်းသာမက လိင်ဆက်ဆံဖက်ကိုပါ  ပူးတွဲကုသရသည့် ထိုရောဂါသည် ယခုနောက်ပိုင်း ရောဂါပိုးကူးစက်ခံထားရသူမှတစ်ဆင့် သူတို့၏  မိသားစု၊ အိမ်ထောင်ဖက်များဆီသို့  ကူးစက်မှုများအပေါ် ကုသ၍မရသည့် ဖြစ်ရပ်များလည်း များပြားလာကြောင်း ကာလသားရောဂါ အထူးကုဆရာဝန်အချို့ကပြောသည်။

“အရင်တုန်းကတော့ ဖောက်သည်တွေမှာ ကာလသားရောဂါ ဖြစ်နေလို့ ဘယ်လိုငြင်းရမလဲဆိုတဲ့ ပြဿနာတွေတော့ ခဏခဏ ကြားခဲ့ရတယ်။ အခုနောက်ပိုင်းတော့ အဲဒီလိုပြဿနာမျိုးတွေ ကြားတာ နည်းသွားတယ်။ ဒါပေမဲ့ အိမ်ထောင်ရှင်တွေကြား၊ သမီးရည်းစားတွေကြားမှာ ကာလသားရောဂါ ကူးစက်တာကတော့ ကြားတာများလာတယ်။ မေးမြန်းတာတွေလည်း များလာတယ်” ဟု အမျိုးသမီးလိင်လုပ်သားများ ကွန်ရက်မှ တာဝန်ရှိသူတစ်ဦးက ပြောသည်။

ရောဂါပိုးအမျိုးမျိုးရှိကြသော်လည်း ဘက်တီးရီးယားပိုး၊ ဗိုင်းရပ်စ်ပိုး၊ ကပ်ပါးမှိုပိုး၊ ပါရာဆိုက်ကပ်ပါးပိုးနှင့် ပရိုတိုဇွားပိုးကြောင့်ဟူ၍ အုပ်စုများ ခွဲခြားထားပြီး ထိုပိုးများအနက် ကြောက်စရာအကောင်းဆုံးမှာ ဗိုင်းရပ်စ်အမျိုးအစားတွင် ပါဝင်သော ပိုးများကြောင့်ဖြစ်သည့် ခုခံအားကျဆင်းမှုရောဂါ၊ လိင်အင်္ဂါရေယုန်ရောဂါ၊ လိင်အင်္ဂါ ကြွက်နို့ရောဂါစသည်တို့မှာ ပျောက်ကင်းအောင် ကုသ၍ မရနိုင်သည့် ရောဂါများဖြစ်ကြောင်း ခုခံအားနှင့် ကာလသားအထူးကုဆရာဝန် ကြီး ဒေါက်တာမျိုးသန့်က ပြော သည်။

“နေ့စဉ်လူနာကတော့ များလာတယ်။ အင်တာနက်လိုနေရာတွေကနေ လိင်စိတ်ကိုဖြစ်ပေါ်စေတဲ့ ကြည့်ရှုနိုင်တဲ့ နေရာတွေကလည်း များလာတဲ့အခါ အတုယူပြီး လိင်ပိုင်းဆိုင်ရာကို တွင်တွင်ကျယ်ကျယ်ကျင့်သုံးတာကတော့  ရောဂါကာကွယ်မှုလည်းမရှိရင် နောက်ပိုင်း ဒီ့ထက်လည်း ပိုများလာနိုင်တယ်” ဟု ဒေါက်တာမျိုးသန့်က ပြောသည်။

ရောဂါကူးစက်နိုင်သည့် နည်းလမ်းများဖြစ်သည့် ရောဂါရှိသူနှင့် လိင်ဆက်ဆံခြင်း၊ ရောဂါရှိသူ၏ သွေး (သို့) သွေးမှပြုလုပ်သော ပစ္စည်းများကို အခြားသူအား ထည့်သွင်းအသုံးပြုကုသခြင်း၊ ရောဂါရှိသူမိခင်မှ သန္ဓေသားသို့ ကူးစက်ခြင်း၊ မသန့်ရှင်းသော ဆေးထိုးအပ်၊ ခွဲစိတ်ကိရိယာများမှ တစ်ဆင့်ကူးစက်ခြင်းနှင့် တစ်ခါတစ်ရံတွင် အချို့သော ကာလသား ရောဂါများသည် ရောဂါရှိသူ၏ အရေပြားပေါ်ရှိ ရောဂါလက္ခဏာများနှင့် ထိတွေ့ရာမှလည်းကောင်း၊ ရောဂါရှိသူ၏ အ၀တ်အထည်၊ အသုံးအဆောင်များကို မျှဝေသုံးစွဲရာမှလည်းကောင်း ရောဂါကူးစက် သွားနိုင်သော်လည်း ကာလသားရောဂါသည် ထိုနည်းများအနက် လိင်ဆက်ဆံခြင်းမှသာ အဓိကကူးစက်နိုင်ကြောင်း သိရသည်။

အသက်အရွယ်မရွေး၊ ကျား၊ မ မရွေးဖြစ်ပွားနိုင်သည့် အဆိုပါ ရောဂါသည် အချို့ကာလသား ရောဂါအထူးကု ဆရာဝန်များ၏ အဆိုအရ   ဆေးခန်းများသို့ လာရောက်သူများတွင် လူငယ်များထက် ငွေကြေးပြေလည်သည့် လူကြီးပိုင်းများ ပိုမိုများပြားကြောင်း သိရသည်။

ပြည့်တန်ဆာများနှင့် ယင်းတို့၏ လိင်ဆက်ဆံဖက်များ၊ အဝေးပြေးကားမောင်းသူများ၊ ကမ္ဘာလှည့်ခရီးသည်များ၊ စီးပွားရေး လုပ်ငန်းရှင်များ၊ ရေလုပ်သားများ၊ ရွှေ့ပြောင်းလုပ်သားများ၊ မူးယစ်ဆေးထိုးသွင်းသုံးစွဲသူများ၊ အမျိုးသားချင်း လိင်တူဆက်ဆံသူများ၊ ကျောင်းပြင်ပရောက် လူငယ်များ (အထူးသဖြင့် အလုပ်လက်မဲ့လူငယ်များ) မှာ ရောဂါရလွယ်သူများဖြစ်ကြောင်း ကျန်းမာရေးဦးစီးဌာနမှ ထုတ်ဝေသည့် ခုခံအားကျဆင်းမှု ကူးစက်ရောဂါနှင့် ကာလသားရောဂါတိုက်ဖျက်ရေး စီမံချက်တွင် ဖော်ပြထားသည်။

ကာလသားရောဂါသည် လိင်ဆက်ဆံမှုများခြင်းကြောင့် ဖြစ်ပွားသော ကူးစက်ရောဂါဖြစ်သည့်အတွက် ရောဂါဖြစ်ပွားလာပါက   တတ်ကျွမ်းနားလည်သည့် ဆရာဝန်များထံ သွားရောက်ကုသရန် စိုးရွံ့ပြီး ကြိတ်ကုသခြင်းကြောင့်လည်းကောင်း၊ တစ်ဦးတည်းကုသခြင်းကြောင့် နောက်တစ်ဦးမှ ပြန့်ပွားကူးစက်ခြင်းတို့ဖြင့် တစ်ဦးမှတစ်ဦးသို့ ကူးစက်ဖြစ်ပွားလျက် ရှိသည်။

ရောဂါလက္ခဏာအများစုသည် ရောဂါပိုးစတင်ဝင်ရောက်ရာ အဓိကနေရာဖြစ်သော ဆီးလမ်းကြောင်း၊ လိင်အင်္ဂါနှင့် လိင်အင်္ဂါတစ်ဝိုက်တွင် ပေါ်ထွက်နေလေ့ရှိ ပြီး အချို့ရောဂါများမှာ ရောဂါပိုး ၀င်ရောက်ပြီးနောက် ရက်အနည်းငယ်အတွင်း ရောဂါလက္ခဏာပေါ်ထွက်ပြီး အချို့မှာ အချိန်ကာလကြာပြီးမှသာ ပေါ်ထွက်တတ်သည်။

အချို့ရောဂါများသည် ပျောက်ကင်းအောင် ကုသနိုင်ပြီး အချို့ ရောဂါများမှာမူ ကုသ၍ မရတော့ချေ။
ပျောက်ကင်းအောင် ကုသနိုင်သည့် ရောဂါများတွင် အချို့ရောဂါများမှာ ဆေးကုသမှု နောက်ကျသားပါက နောက်ဆက်တွဲနှလုံးရောဂါ၊ သွက်ချာပါဒရောဂါနှင့် လုံးဝရူးသွပ်သွားသော အဖြစ်များ၊ လိင်အင်္ဂါ ပုံပျက်သွားခြင်းမှအစ နောက်ပိုင်းတွင် ကင်ဆာရောဂါအဖြစ်သို့ ကူးပြောင်းသွား စေခြင်းများလည်း ရှိသည်။

အမျိုးသမီးများတွင် ဖြစ်ပွားပါက မွေးဖွားလာသည့် ကလေးများ၌ မွေးရာပါ ကာလသားရောဂါများလည်း ပါရှိပြီး  မွေးဖွားလာနိုင်သည်။

အရေးကြီးသော ကာလသား ရောဂါ ၁၅ မျိုးခန့်ရှိပြီး ထိုအထဲမှ လိင်အင်္ဂါရေယုန်ရောဂါ၊ ဆီးပူညောင်းကျရောဂါနှင့် ဆစ်ဖလစ်ရောဂါများမှာ ဖြစ်ပွားမှုများပြီး ယခုနောက်ပိုင်းတွင် ဖြစ်လိုက်၊ ပျောက်သွားလိုက်ဖြစ်လေ့ရှိသည့် ရေယုန်ရောဂါမှာ ဖြစ်ပွားမှုအများဆုံးဖြစ်နေကြောင်း ဒေါက်တာမျိုးသန့်ကပြောသည်။

ဗိုင်းရပ်စ်ရောဂါပိုးကြောင့်ဖြစ်သည့် ရေယုန်ရောဂါသည် ရောဂါပိုးကူးစက်ခံရပြီး ၅ ရက်မှ ၁၀ ရက်ခန့်ကြာသောအခါ လိင်အင်္ဂါတစ်ဝိုက်တွင် ရောဂါလက္ခဏာများပေါ်ထွက်လာသည်။

လိင်အင်္ဂါအနာမထွက်ပေါ်မီ ကိုယ်လက်မအီမသာဖြစ်ခြင်း၊ အနည်းငယ်နုံးချည့်ခြင်းများဖြစ်ပေါ်ကာ လိင်အင်္ဂါနေရာများတွင် အရေပြားနီရဲကာ သားငံရည်အဖုလုံး အုပ်စုလိုက်ထွက်လာသည်။ ထိုအဖုလုံးလေးများ ပေါက်ထွက်အနာဖြစ်ခြင်း၊ အနာဖေး၊ အနာဖတ်များဖုံးနေခြင်း၊ အနာကျက်သွား ခြင်း စသည့်အဆင့်များ ဆက်တိုက်ဖြစ်ပေါ်လာသည်။ ပထမအကြိမ် ဖြစ်ပွားစဉ် နာကျင်ကိုက်ခဲမှု ဝေဒနာ အထိုက်အလျောက် ခံစားရတတ်သည်။

နောက်ပိုင်းထပ်မံဖြစ်ပွားသည့် ရေယုန်ရောဂါများတွင် ခံစားရသောရောဂါလက္ခဏာများမှာ ပထမအကြိမ်ဖြစ်ပွားစဉ်ခံစားရသော ရောဂါလက္ခဏာများကဲ့သို့ ပြင်းထန်ခြင်းမရှိဘဲ လျော့ပါးသွားတတ်ပြီး ထိုရောဂါသည် တစ်ကြိမ်ဖြစ်ပွားဖူးပါက ရောဂါသက်သာသွားပြီးသည့်တိုင် နောင်တွင်လည်း ရောဂါထပ်မံကူးစက်ခံရခြင်းမရှိဘဲနှင့် ထပ်မံဖြစ်ပွားတတ်သည့် ရောဂါဖြစ်သည့်အတွက် ကူးစက်မှုများပြားခြင်းဖြစ်သည်။

လိင်ပိုင်းဆိုင်ရာ လှုံ့ဆော်မှု ပေးနိုင်သည့် ဗီဒီယို၊ ရုပ်ပုံများ ကြည့်ရှုနိုင်သည့် မီဒီယာများ များပြားလာခြင်းနှင့် စောင့်ထိန်းရမည့် ယဉ်ကျေးမှုများ ပြောင်းလဲလာခြင်းတို့ကြောင့် လိင်မှတစ်ဆင့် ကူးစက်ရောဂါ ဖြစ်ပွားမှုများပြားလာနိုင်ကြောင်း ခန့်မှန်းပြောဆို သည်များလည်းရှိသည်။

ရောဂါဖြစ်ပွားသူများတွင် ကူးစက်နိုင်သည့်အခြေအနေကို သိသော်လည်း လိုက်နာမှုမရှိခြင်းများကြောင့် ရောဂါဖြစ်ပွားနေကြပြီး ထိုကဲ့သို့လိင်မှတစ်ဆင့် ကူးစက်ဖြစ်ပွားသည့် ရောဂါများ လျော့နည်းလာစေရန် လူတိုင်းလူတိုင်း ကွန်ဒုံးကို ကျန်းမာရေးပစ္စည်း
တစ်ခုအဖြစ် လက်ခံလာနိုင်မည်ဆိုပါက အတိုင်းအတာတစ်ခုအထိ ရောဂါဖြစ်ပွားကူးစက်မှုများ လျော့နည်းသွားနိုင်မည်ဖြစ်ကြောင်း
ခုခံအားကျဆင်းမှုနှင့် ကာလသားရောဂါကုသရေး လုပ်ငန်းဆောင်ရွက်နေသည့် ကျွမ်းကျင်သူများ ကပြောကြားသည်။

ရောဂါဖြစ်ပွားလာပါက မိမိသာမက မိမိအဖော်လည်း အတူတကွ ကုသမှုခံယူရမည့်ရောဂါများဖြစ်ခြင်းကို သိရှိလိုက်နာရန် အထူးလိုအပ်သည့်     ရောဂါဖြစ်သည်။

7daynewsjournal.com