(တစ်)
စားလို့ရတာ အကုန်စားဟု စကားရှိသော်လည်း စားလို့ရတာ မှန်သမျှကို မစားဘဲ ကိုယ့်ခံယူချက်နှင့်ကိုယ်၊ ကိုယ့်ခံစားမှုနှင့်ကိုယ် စည်းကမ်းနယ်နိမိတ်သတ်မှတ်ကာ ကိုယ့်ပါးစပ်ကို ထိန်းသိမ်းကြပ်မတ်ပြီး အသက်ရှင်နေထိုင်သွားကြသည့် လူပုဂ္ဂိုလ်အမျိုးမျိုးကို ကျွန်တော်တွေ့ဖူးပါသည်။

စက္ကူဖြင့် ဖွဲ့စည်းထားသည့်  စာအုပ်တစ်အုပ်ဖြစ်ခဲ့လျှင် အပိုစာမျက်နှာများကို လျစ်လျူရှုထားလိုက ထားနိုင်သည်။
ဆုတ်ဖြဲချင်က ဆုတ်ဖြဲနိုင်သည်။ ကျော်လွှားချန်ထားခဲ့လို့လည်း ရသည်။ ဒါမှမဟုတ် ပြန်လည်အသုံးချ အသုံးပြုနိုင်သည်။ စာအုပ်တစ်အုပ် မဟုတ်သည့် သမိုင်းမှတ်တမ်းအစဉ်အလာများတွင် ဖြစ်ပေါ်ခဲ့ပြီးသော အပိုစာမျက်နှာ များဆိုလျှင်ရော...။
သမိုင်းအပိုစာမျက်နှာများစွာ ရှိခဲ့သည်ဆိုပါက၊ သမိုင်းအပို စာမျက်နှာများကို ဖန်တီးနေကြသည်ဆိုပါက၊ လာမည့် မျိုးဆက်များအတွက် သမိုင်းအပိုစာမျက်နှာများကိုသာ ချန်ရစ်ထားခဲ့ကြမည်ဆိုပါက...။

ထည်ဝါခန့်ညားလွန်းသည့် တံတားကြီးက လှပလွန်းသည်။ အဝေးကကြည့်လျှင် မြွေကြီးတစ်ကောင် လဲလျောင်းနေသည့်ပုံဖြစ်၏။ ထိုတံတားကြီးကိုကြည့်ရင်း တံတားပေါ်မှာ ကားမောင်းချင်စိတ်က ဖြစ်ပေါ်သည်။ တံတားကြီးပေါ်မှာ လမ်းလျှောက်ရင်း စိမ်းညို့ညို့ သစ်တောရှိရာ၊ သစ်ပုပ်ပင်ကြီးရှိရာ၊ ကံ့ကော်တို့ပွင့်ရာ တက္ကသိုလ်ကျောင်းကြီးသို့ မျှော်မှန်းချင်သည်။ မကြာမီပြီးတော့မည့် လှည်းတန်းစင်တာကြီးကလည်း သူ့အလှကို လှစ်ပြရတော့မည်ဆိုပြီး လန်းဆန်းတက်ကြွလျက် ထိုတံတားကြီးနှင့် လှည်းတန်းစင်တာကြီးက လိုက်ဖက်လွန်းလှသည်။
ယခင်က လှည်းတန်းမှာ အလှဆုံးဟု ထင်မှတ်ထားသော ပြည်မြန်မာကုန်တိုက်ကြီးက သော့အထပ်ထပ် ခတ်ခံထားရပြီး ရေမချိုးရသေးသော လူမမာတစ်ယောက်ပုံပေါက်နေသည်။ အချိန်ရာသီရွေ့လျားမှုအောက်မှာ မတည်မြဲခြင်း အနိစ္စသံဝေဂယူစရာ။

(တစ်)
မြိုင်သို့ ရောက်လျှင် ဆရာမြသန်းတင့်ကို သတိရမြဲ ဖြစ်ပါသည်။ မြိုင်က နာမည်ကျော် စာရေးဆရာကြီး မြသန်းတင့်၏ ဇာတိချက်မြှုပ် မဟုတ်လား။ ဆရာက သူ့မြောက်မြားလှစွာသော ဘာသာပြန်ဆိုချက်များ၏ တစ်နေရာမှာ အာဖရိက၏ ပူပြင်းခြောက်သွေ့လွန်းလှပုံကို ပြန်ဆိုရာ၌ ပူလိုက်တဲ့နေတဲ့၊ နေကြာပန်းတွေ ဘယ်ဘက်ကို လှည့်ပွင့်ရမှန်း မသိ
တော့ဘူးတဲ့။ ကျွန်တော်စွဲငြိသွားမိကြောင်း ၀န်ခံလိုပါသည်။